?

Log in

No account? Create an account

Previous Entry Share Next Entry
НОГ ТЕХНОЛОГИТÆ – ИРОНДЗИНАДЫ РÆЗТÆН!
Салбиев
alansalbiev
   Нæ мадæлон æвзаджы хъысмæт æнгом баст у ирон адæмы фидæнимæ. Куы фесæфа ирон æвзаг, уæд фесæфдзысты ирон адæм. Æмæ уыцы бæллæхæй мах хъуамæ уæм хызт. Рæзгæ фæлтæртæ, хъыгагæн, чингуытæм æмхиц нал сты. Уымæй уæлдай, иуæй-иу хат уыцы чингуытæн сæ хæрзхъæддзинад уыйас бæрзонд нæ вæййы. Хорз, фæлыст чиныгæн та стыр аргъ ис. Бирæ ныййарджытæн сæ бон нæ вæййы цымыдис æмæ пайда ирон чингуытæй сæ сабиты сбуц кæнын. Æвæдза, бæллæхтæ кæдфæнды иугай нæ цæуынц… Иуырдыгæй нæ фæсивæд чиныгмæ нал сты æмхиц, иннæрдыгæй хорз чиныгæн йæ аргъ бæрзонд у, алкæйы къухы не`фты йæ балхæнын. Цы мадзал ис саразын, цæмæй уыцы карз фарстатæ иумæйагæй лыггонд æрцæуой?
   Йæ æрвылазон Ныстуаны нæ республикæйы сæргълæууæг Мамсыраты Таймураз куыд загъта, уымæ гæсгæ паддзахадон мадзал «Ирон æвзаг» фарон равдыста хæрзчысыл æнтыстдзинæдтæ. «Мæ зæрдæ дардтон хуыздæр куыст фенынмæ, фæлæ фæфыдæнхъæл дæн», - загъта Таймураз. Уымæн ис цалдæр аххосаджы. Ирыстоны бюджетæй æхцайы фæрæзтæ æнæххæстæй æмæ æнафоныл лæвæрд кæй æрцæуынц, уый фæдыл. Мамсыраты Таймуразы загъдау, «паддзахадон кусджытæ афтæ æнхъæлынц, æмæ рæсугъд мадзал гæххæттыл куы сныв кæной, уæд ууыл хъуыддаг алыг кæндзысты. Фæлæ рæдийынц!» Бæрæг у, Мамсыраты Таймуразæн йæ зæрдæ кæй риссы нæ мадæлон æвзаджы фидæныл.
   Куыд ис баххуыс кæнын ирон æвзаджы рæзтæн? Цы мадзæлттæ хъуамæ саразæм, цы фыдæбон скæнын? Мæнмæ гæсгæ, нырыккон царды æнæ ног технологитæ пайда кæнгæйæ цыфæнды хъуыддагæн дæр нæй сырæзæн. Æнæмæнг, цæмæй ног фæлтæртæн сæ мадæлон æвзаг цымыдис уа, уымæй уæлдай та – æнувыд кæной ирондзинадыл, уый тыххæ мах хъуамæ парахатæй райдайæм пайда кæнын компьютертæ æмæ Интернет нын цы гæнæнтæ дæттынц, уыдонæй.
   Афтæ куы зæгъæм, ома, фарон бынтон ницы бафтыд нæ къухы ирондзинады рæзтæн, уæд уый раст нæ уыдзæн. Паддзахадон программæ «Ирон æвзаг» æххæст гæнгæйæ, РЦИ-Аланийы ахуырад æмæ зонады Министрады хъæппæрисæй, адæмæн пайдайаг æмæ тынг цымыдис разындысты цалдæр ног æнтыстдзинады.
   Фыццаджыдæр, ратæлмац кодтам иронау æмæ дыгуронау советон мультфильмтæй иу – «Дæсы онг чи нымадта, ахæм сæныкк». Уыцы ныв райдзаст æмæ аивæй уæлдай, ахуыр кæны нæ чысыл сабиты иронау нымайын, æрвылбон царды арæхдæр цы ныхæстжй пайда кæнæм, уыдон сæ зæрдыл дарын. Цæмæн равзæрстам советон дуджы конд ныв? Уымæн æмæ ныртæккæ нæ сывæллæттæ цытæ уынынц телеуынынадæй, Интернеты, уыдон мур дæр ницæуыл ахуыр кæнынц рæзгæ фæлтæрты. Арæхдæр та сæ халынц, æдзæсгом уæвын сæ ахуыр кæнынц. Мах та равзæрстам ахæм нывтæ, кæцытæ рухс тауынц нæ хъæбулты зæрдæты, хæссынц сын пайда æмæ циндзинад.
   Уыцы ныв Интернеты куы сæвæрдтам нæ Министрады фарсы www.edu15.ru, уæд нын нæхи дæр дисы бафтыдта, цас адæмæн уыд цымыдис, уый. Фыццаг къуыри йæм бакаст æмткæй райсгæйæ 3719 адæймаджы. Канд Ирыстон æмæ Уæрæсейæ нæ, фæлæ иннæ паддзахæдтæй дæр – Европæйы бæстæтæй Канадæйы онг. Ахæм цымыдисдзинад нæ сразæнгард кодта, цæмæй ацы аз дæр нæ куыст дарддæр ахæддзæ кæнæм. Иронау æмæ дыгуронау тæлмацгонд æрцæудзысыты æртæ ног нывы. Сæрмагондæй та мæ уый фæнды зæгъын, æмæ юридикон æгъдауæй студи «Союзмультфильмæй» кæй райстам алы бартæ уыцы тæлмац кæнынмæ. Ахæм хъуыддаг дæр конд æрцыд фыццаг хатт.
Дыккаджыдæр, курдиатджын поэт Хабæты Риммæ ныффыста сывæллæттæн 24 зарæджы иронау, дыгуронмæ сæ ратæлмац кодта Лæгкуты Розæ, уырыссаг æвзагмæ цалдæр ратæлмац кодтой Сæлбиты Алан æмæ Альбинæ Зайцева. Композитор Евгений Воложанин уыцы зарджытæн ныффыста диссаджы мелодитæ, Къусраты Майæ сныв кодта иллюстрацитæ, Цæгат-Кавказы технологон университеты инновацион куыстуат «Нырыккон технологиты лаборатори» скодта мультмедиайы хуызы караокетæ иронау, дыгуронау æмæ уырыссагау.
   Интернеты сæрмагонд хай http://www.youtube.com/user/alansalbiev фыццаг къуыри равдыста, уыцы зарджытæм кæй бакастытсты 2619 адæймаджы алы бæстæтæй. Æппæтæй цымыдисагдæр адæмæн разындысты зарджытæ «Мæ Ирыстон». «Арвæрдын», «Айрæз, саби», «Уарзын нанайы».
  Æртыккаг хай нæ фыдæбæттæн у ирон чингуытæ элетрон хуызмæ ивын. Фарон æлхæд æрцыдысты 653 мигæнæны, кæцыты руаджы сывæллæтты бон у ирон чингуытæ электрон хуызы кæсын. Къостайы «Ирон фæндыр», «Нарты кадджытæ», ирон æвзаджы чиныг 8-æм къласæн, Тугъанты Махарбеджы нывтæ бацæттæ кодтам уыцы мигæнæны сæвæрынмæ. 
   Кæд, мыййаг, исты скъолайы къухы нæ бафтыд уыцы æрмæджытæ махæй райсын, уæд, табуафси, кæдфæнды дæр сæ бон у уыцы фарста алыг кæнын. Уымæй уæлдай, нæ Министрады Интернет-фарсыл дæр сты, уырдыгæй дæр сæ ис райсæн.
Цыппæрæм æнтыстдзинадыл та ис банымайæн, фарон дардад ахуырады рæзтæн Цæгат Ирыстоны ахуырады кусджыты дæсныйад уæлдæр кæнæг институты ирон кафедрæйы кусджытæ электрон хуызы цы æрмæг бацæттæ кодтой, уый. Фыццаг къласæй иуæндæсæммæ ног ахуыры азæй нæ скъоладзаутæн уыдзæн гæнæн ирон æвзаг ахуыр кæнын сæрмагонд фарс www.sdo15.ru-йы руаджы.
   Цалдæр дзырды ма мæн фæнды зæгъын нæ фæсивæд хи хъæппæрисæй цы фыдæбæттæ кæнынц ирон æвзаджы рæзтæн, уый тыххæй. Æппæтдунеон энциклопеди «Википеди»-йы сындæггай хæрзхъæд кæны йæ ирон фарс http://os.wikipedia.org Ныртæккæ уал дзы ис 8600 æрмæгæй фылдæр. 
   Нæ фæсивæдæй бирæты тыхсын кæны ирон æвзаджы, ирон адæмы фидæн. Уыйадыл, сæ хъарутæ, сæ зонд æнæвгъауæй хардз кæнынц, цæмæй ирондзинад Интернеты бæркадджынæй æвдыст цæуа. Зæгъæм, «В Контакте» кæй хонынц, уым арæзт æрцыд сæрмагонд хай «Бæрзæфцæг», зæгъгæ http://vk.com/barzafcag.
 
   Интернетæй чи пайда кæны, уымæн дзы йæ бон у 400 чиныгæй фылдæр бакæсын ирон æвзаджы, ирон æгъдæутты тыххæй, уыдонæй уæлдай ма, бирæ æндæр ахсджиаг æрмæджытæ.
   Нæртон æмæ цымыдисаг у «Ирон æвзаджы клуб» http://allingvo.ru/, цæст æмæ дзы уд нæй, æндæр дзы цыфæнды хабар ис ссарæн ирон æвзаг, ирондзинады тыххæй. Ис дзы ирон - уырыссаг дзырдуатæй спайда кæнын дæр. 
   Сæрмагонд фарс «Дзурут иронау» http://ironau.ru/ æххуыс кæны ирон æвзаг кæй фæнды иттæг хорз базонын, уыдонæн.
   Журнал «Мах дуг» ис бакæсæн ахæм æрвитæнæй: http://mahdug.ru/.
   Сæ цæрæнбон бирæ нæ сахъхъгуырдтæн, сыгъдæгзæрдæйæ чи фыдæбон кæны ирон æвзаг, ирон æгъдау парахат кæныныл!
   Фарон азы æнтыстдзинæдты уæлдай ма ацы аз нæ зæрды ис 15 чысыл кинонывы саразын Ирыстоны истори, культурæйы тыххæй. Æвдыст уыдзæн нæ адæмы æгъдæуттæ, нæ кадджын фыдæлтæ. Ноджы дæр ма конд æрцæудзысты Интернеты руаджы ирон æвзаг æмæ литературæйæ тестытæ, цæмæй ахуырдзæуттæн сæ бон уа бæрæг кæнын,  куыд зонынц ирон æвзаг æмæ литературæ, уый. Ссæдз ахуыргæнæн чиныгæй фылдæр, семæ ма кусæн тетрæдтæ ивд æрцæудзысты электрон хуызмæ. Афæдзы кæронмæ фæзындзæн фыццаг уырыссаг-ирон электрон тæлмацгæнæг, уыимæ мобилон дзырдуæттæ. Æнувыдæй райдыдтам куыст фыццаг ирон нывгонд мультфильмыл. 
   «Ирон æвзаг сæфы!», - ахæм ныхас арæх ис фехъусæн Ирыстоны. Æмæ цæмæй нæ фыдæзнæгты фæндиаг ма фæуæм, цæмæй нæ кадджын фыдæлты нæртон тухитæ ма фæдзæгъæл уой, уый тыххæй хъуамæ, мах, ирон адæм, æмсæр æмæ æмзондæй бацархайæм нæ мадæлон æвзаджы рæзтыл. Æмæ ног технологитæ пайда кæнгæйæ, Ирыстоны сæрсæфæны былæй аиуварс кæнæм!

Сæлбиты Алан,
Цæгат Ирыстоны ахуырад æмæ зонады Министрады зонад æмæ информацион технологиты хайады сæргълæууæг, техникон зонæдты кандидат. 


  • 1
Перепосты кънопкæ скæнæн ис? )

Дзырд "РÆЗТÆН"-æн йæ тæккæ сæрмæ ис сæрмагонд кънопкæ. Уый руаджы ис рапарахат кæнын мæ фыстæг.

впервые вижу в ЖЖ такой длинный текст на осетинском.
мои комплименты.

Нæ дæ бамбардзынæн никуы. Уæд ирон адæмыл цъыф калыс, уæд та ирон дзырдæн арфæтæ кæныс..

Зондджын реакци, уый зæгъæн нæй.

Цы дзы федтай æнæзондæй?

Тон æмæ апп, нысаниуæг.

Шота, æвæццæгæн та мæ раст нæ бамбæрстай. Уæд та дæ æргомæй бафæрсдзынæн - ирон адæмæн знаг дæ æви куыд?

Ай-гъай "æви куыд"/ :-)

ახლა - სერიოზულად. ქართველებს არასდროს მიაჩნდა ოსი ხალხი მტრად. ამის გასაგებად საჭიროა იცოდე ნამდვილი ისტორია. და არა ის, რასაც ბლიევი, ბზაროვი და ОРТ გეუბნება.

გარდა ამისა, «Ирæттæ», «ирон адæм», «гуырдзиаг адæм», «уырыссæгтæ адæм» - ამ ტერმინების ხმარებას ამ შემთხვევაში არ არის გამართლებული. ხალხი - არ არის ცხვრის ფარა. ყოველი ადამიანი განსხვავებულია.

პირადად მე, ოსი მეგობრები მყავს. მათ შორის ცხინვალშიც. ჩემი დიდი ბაბუა ოსი იყო. როგორ შეიძლება ყველა ოსი ჩემი მტერი იყოს?

Какой кайф, что в гугл.транслейте есть грузинский :))

именно на такую минимальную затрату сил и было рассчитано.

НОГ ТЕХНОЛОГИТÆ – ИРОНДЗИНАДЫ РÆЗТÆН!

Пользователь campeondemunde сослался на вашу запись «НОГ ТЕХНОЛОГИТÆ – ИРОНДЗИНАДЫ РÆЗТÆН!» в контексте: [...] Оригинал взят у в НОГ ТЕХНОЛОГИТÆ – ИРОНДЗИНАДЫ РÆЗТÆН! [...]

Сразу несколько упоминаний Википедии в СО (на ТВ и в газетах) привели к тому, что там зарегистрировался Герман Г., который и без того давно знал о проекте через вКонтакте...

Кстати, Алан, впиши в текст номер „Рæстдзинад“-а, в котором эта твоя статья вышла.
Я уже не помню дату, но в газете видел.

  • 1