Алан Салбиев (alansalbiev) wrote,
Алан Салбиев
alansalbiev

Category:

Иры ныфс


Цал уды фервæзын кодтай дæ туджы аргъæй? Нæ бауагътай фыдæзнаджы йæхи срæмудзын дзыллæты хсæн. Нæ бауагътай, цæмæй та Иры зæххыл ног бæллæх æрцæуа. Бар нæ радтай тугдзых сырдтæн сæ сау фæндтæ сæххæст кæнын.

Фæлæ дæхи цард аскъуыд...

Сидзæр мæгуыр у. Сидзæрыл дур хæрдмæ тулы. Фæлæ дæхицæй сидзæрдæр ныууагътай дæ ныййарæджы, дæ хистæрты. Уыдтæ сын лæугæ хох, цæугæ мæсыг... Нал бакъахдзæф кæндзæн дæ фыды кæртмæ урс разгæмтты ирон чызджытæн сæ хуыздæр, нал райхъуысдзæн дæ кæртæй хъæлдзæг фæндыры цагъд æмæ сабиты уынæр.

Сæдæгай адæм æй зонгæ дæр нæ кæнынц, кæй дæ сæ ирвæзынгæнæг. Кæй сын радтай бар цъæх арвы бын цæрын, уарзын, худын. Кæй æххæст кæндзысты сæ бæллицтæ, сæ хъуыдытæ, сæ фæндтæ.

Авд дæлдзæхы ныххауæд Ирыстонмæ сау зæрдæ чи дары, уыцы куыдзæй гуырдтæ! Махæй рох нæу иу туджы æртах дæр, кæй акалдтой уыдон Ирон зæххыл. Дæ рухс ном хъуыды гæнгæйæ, мах уыцы туг æгадæй нæхиуыл нæ ныууаддзыстæм.

Рухсаг у, Заур! Рухс дзæнæты бад! Цалынмæ ис дæу хуызæн сахъхъгуырдтæ, уæдмæ нæ басæтдзæн Иры ныфс!
Tags: ныфс
Subscribe

  • Post a new comment

    Error

    Anonymous comments are disabled in this journal

    default userpic

    Your reply will be screened

    Your IP address will be recorded 

  • 5 comments